*విజయవంతంగా ముగిసిన 2 రోజుల ఉచిత ఆరోగ్య అవగాహన శిబిరం*
శారదాంబ ఇన్స్టిట్యూట్ ఆఫ్ మెడికల్ సైన్సెస్ , బాలాజీ పాలీక్లినిక్ & డయాగ్నోస్టిక్ సెంటర్
హైదరాబాద్, అక్షిత ప్రతినిధి :
శారదాంబ ఇన్స్టిట్యూట్ ఆఫ్ మెడికల్ సైన్సెస్ బాలాజీ పాలీక్లినిక్ & డయాగ్నోస్టిక్ సెంటర్తో కలిసి హైదరాబాద్, హిమాయత్నగర్, ముషీరాబాద్, కోటి వాసులకు రెండు రోజుల ఆరోగ్య అవగాహన శిబిరాన్ని నిర్వహించింది. మధుమేహం, రక్తపోటు వంటి జీవనశైలి రుగ్మతలను ముందుగానే గుర్తించడంపై దృష్టి సారించారు. కమ్యూనిటీ స్క్రీనింగ్లో భాగంగా హెచ్బీఏ1సీ, హీమోగ్రామ్, థైరాయిడ్ పరీక్షలు, లిపిడ్ ప్రొఫైల్ వంటి వివిధ ల్యాబొరేటరీ పరీక్షలతో పాటు కిడ్నీ పనితీరు పరీక్షలను ఉచితంగా నిర్వహించారు.
శారదాంబ ఇన్స్టిట్యూట్ ఆఫ్ మెడికల్ సైన్సెస్ కార్పొరేట్ సామాజిక బాధ్యతలో భాగంగా ఆరోగ్య అవగాహన కల్పించడానికి మరియు సాధారణ జనాభాలో రక్తపోటు, మధుమేహం వంటి దీర్ఘకాలిక వ్యాధులను ముందస్తుగా గుర్తించడాన్ని ప్రోత్సహించడానికి ఈ శిబిరాన్ని నిరవహాయించినట్లు ఆదివారం పత్రిక సమావేశంలో తెలియపరిచారు.
డాక్టర్ రఘురామ్ హైపర్టెన్షన్, డయాబెటిస్ను ముందస్తుగా గుర్తించడం మరియు తగిన నియంత్రణను సరైన ఆహారంతో చికిత్సలో ప్రధానాంశంగా ఉంచడం మరియు తద్వారా సమాజంలో వ్యాధి భారాన్ని తగ్గించడం, అనారోగ్యానికి దారితీసే దీర్ఘకాలిక సమస్యలను నివారించడం గురించి ఉద్ఘాటించారు.
రెండు రోజుల శిబిరంలో సుమారు 4 20 మంది రోగులకు పరీక్షలు, కౌన్సెలింగ్ మరియు వారి ఆరోగ్య పరిస్థితిని మెరుగుపరిచేందుకు అవగాహన కల్పించామన్నారు. అంతే కాకుండా రోగులందరికీ డైటీషియన్, జనరల్ ఫిజీషియన్ మరియు డయాబెటాలజిస్ట్ ద్వారా ఉచిత సంప్రదింపులు నిర్వ హించడంతో పాటు, తగిన మందులు ఉచితంగా పంపిణీ చేయడం జరిగినది. సంస్థ ఆర్గనైజర్ లో ఒక్కరైనా డాక్టర్ వజాహత్ CEO మాట్లాడుతూ సాధారణంగా ఆరోగ్య శిబిరాలు ఒక రోజు నిర్వహిస్తారు, కానీ మా సంస్థ నుండి దానిని రెండు రోజులు ప్లాన్ చేసి నిర్వహించమనరు – అందులో ఒకటి ఆదివారం. దీని కారణంగా, మొదటి రోజు రాలేకపోయిన చాలా మంది, మరుసటి రోజు శిబిరాన్ని సందర్శించవచ్చు అనే ముంధు చూపుతో పెట్టడం జరిగిందన్నారు. అలాగే, రక్తపరీక్షలు చేయించుకోమని కోరిన రోగులు వారి జీవనశైలి లోపాలపై తగిన నియంత్రణ సాధించే వరకు వారికి ఉచిత మా సంస్థ నుండి సంప్రదింపులు అందించబడతాయి అన్నారు. నిశ్చల జీవనశైలి అపరాధి అని, మధుమేహం & హైపర్టెన్షన్ నుండి వచ్చే సమస్యలను నివారించడానికి ప్రజలు రోజుకు కనీసం 30 నిమిషాల పాటు సాధారణ శారీరక శ్రమలో చురుకుగా పాల్గొనాలని ఆయన అన్నారు.
అండర్ ప్రివిలేజ్డ్ పేషెంట్ల కోసం తాము ఒక ఫౌండేషన్ను ఏర్పాటు చేస్తామని, ఇది రోజువారీ ఆహారం మరియు వ్యాయామాలపై అవగాహన కల్పించడంతోపాటు క్రమానుగతంగా మందులను పంపిణీ చేస్తుందని ఆయన చెప్పారు. డాక్టర్ రఘురామ్ మరియు డాక్టర్ వజాహత్ సమాజంలో ఆరోగ్య సంరక్షణ అత్యవసర పరిస్థితులను పరిష్కరించడానికి సరసమైన ఆరోగ్య సంరక్షణ అవసరాన్ని నొక్కి చెప్పారు. శిబిరంలో సిమ్స్ ఆసుపత్రి మెడికల్ డైరెక్టర్ డాక్టర్ రఘురామ్ పుసుకూరు, కుటుంబ వైద్యుడు డాక్టర్ వజాహత్ అలీ పాల్గొన్నారు. ఈ శిబిరాన్ని గణేష్, రత్నం ,జహంగీర్ సమన్వయం చేశారు.
