ఆలోచించండి…..అభివృద్ధికి అవకాశం ఇవ్వండి
ఎమ్మెల్యే అభ్యర్థి రేగా కాంతారావు
* మంగళ హారతులతో ఘనస్వాగతం పలికిన ఆడపడుచులు
పినపాక, అక్షిత ప్రతినిధి :
బిఆర్ఎస్ పార్టీ అభ్యర్థి పినపాక అభివృద్ధి ప్రధాత బిఆర్ ఎస్ పినపాక నియోజకవర్గ ఎమ్మెల్యే అభ్యర్థి రేగా కాంతారావు ఎన్నికల ప్రచారం లో భాగంగా పినపాక మండలం, తోగ్గూడెం పంచాయితీ లో ప్రచారం ప్రారంభించారు.గోపాలరావు పేట గ్రామంలోకి ప్రవేశించగానే ఆడపడుచులు మంగళ హారతులతో ఘన స్వాగతం పలికారు. కాంతారావు పాలనలో గ్రామంలో రహదారులు దశ మారాయి అని గ్రామానికి మరిన్ని అభివృద్ధి నిధులు తెచ్చి ఆదర్శ గ్రామంగా తీర్చి దిద్దాలని గ్రామ దేవతలకు పూజలు చేసి ప్రచారం ప్రారంభించారు.ప్రచారంలో రేగా ఆడపడుచులతో రామక్క పాటలకు స్టెప్పులు వేశారు. ఈ సందర్భంగా రేగా కాంతారావు మాట్లాడుతూ గోపాలరావుపేట గ్రామంలో అంతర్గత రహదారులకు పెద్దపీట వేశామన్నారు. చిన్న చిన్న రోడ్లు ఉన్నాయి అవి కూడా పూర్తి చేస్తా ఈ సారి ఆశీర్వదించండి 50 లక్షలు నేనే సంతకం పెట్టి ఇస్తా.బీసీ గురుకుల కళాశాలకు సర్వే కూడా పూర్తయింది. మీ గ్రామానికి మంచి భవిష్యత్తు ఉందన్నారు.మాయదారి కాంగ్రెస్ మాటలు నమ్మి మోసపోవద్దు అని కారు గుర్తుకు ఓటు వేసి బిఆర్ఎస్ ను అత్యధిక మెజారిటీతో గెలిపించాలని తెలిపారు.అధికారంలోకి రాగానే 18 సంవత్సరాలు నిండిన ప్రతి మహిళకు నెలకు 3000 రూపాయల మహిళా భృతి,రైతులకు రైతు బందు15000తో పాటు రైతు కూలీలకు ఐదు లక్షల బీమా మన ప్రభుత్వం ఇవ్వబోతుందన్నారు. ఈ ప్రాంతంలో రెండు పంటలు పండించాలంటే కారు గుర్తు కు ఓటు వేయాలన్నారు.ఎలక్షన్ ముగిశాఖ లోటారి గండి సర్వే పూర్తి అవుతుందని ఈ ప్రాజెక్టు వల్ల రెండు మండలాల్లో రెండు పంటలు పండుతాయని అన్నారు.ఇవన్నీ జరగాలంటే ఒక్క రేగా వల్లనే సాధ్యం అవుతుందన్నారు. కాంగ్రెస్ వోడి మాటలు నమ్మి మోసపోతే మనల్ని ముంచేస్తారన్నారు.ప్రజలు ఆలోచన చేసి మీ అమూల్యమైన ఓటు ను కారు గుర్తు పై వేసి నన్ను అత్యధిక మెజారిటీతో గెలిపించాలని కోరారు.మంత్రిగా మళ్ళీ మీ గ్రామానికి వొచ్చి బీసీ గురుకులాన్ని ప్రారంభిస్తానన్నారు. ఈ కార్యక్రమంలో బి ఆర్ఎస్ నాయకులు, కార్యకర్తలు ,గ్రామ ప్రజలు పాల్గొన్నారు.
