కాలేజీ విద్యార్థి ఆత్మహత్య
– రామకృష్ణాపూర్‌లో విషాదం.. కేసు నమోదు
మందమర్రి, అక్షిత ప్రతినిధి:
రామకృష్ణపూర్ పట్టణంలోని శ్రీనివాస నగర్, బి-జోన్ ప్రాంతానికి చెందిన కాంపెల్లి మున్నా (19) అనే కళాశాల విద్యార్థి ఆత్మహత్యకు పాల్పడిన ఘటన విషాదం నింపింది. జమ్మికుంటలోని వ్యవసాయ విశ్వవిద్యాలయంలో అగ్రికల్చర్ డిప్లొమా ద్వితీయ సంవత్సరం చదువుతున్న మున్నా ఈ నెల 8న ఇంట్లో ఉరివేసుకున్న స్థితిలో కనిపించాడు. కుటుంబ సభ్యుల సమాచారంతో అతడిని మంచిర్యాల ప్రభుత్వ ఆసుపత్రికి తరలించగా, అప్పటికే మృతి చెందినట్లు వైద్యులు నిర్ధారించారు. మృతుడి తండ్రి ఫిర్యాదు మేరకు రామకృష్ణాపూర్ పోలీసులు కేసు నమోదు చేసి దర్యాప్తు చేస్తున్నారు.
